Rossiya va AQSh qo‘shma biznes rejalarini boshlash uchun yashirin muzokaralar olib bormoqda

Rossiya va AQSh Ukraina bo‘yicha tinchlik kelishuvi tuzilishi bilanoq qo‘shma biznes rejalarni boshlash borasida yashirin muzokaralar olib bormoqda, deb yozmoqda The Wall Street Journal.

Gazeta manbalariga ko‘ra, AQSh prezidentining maxsus vakili Stiv Uitkoff va Rossiya prezidentining vakili Kirill Dmitriyev 2025 yil fevralidan beri, to‘qqiz oy davomida, Rossiya–Ukraina urushini tartibga solish bo‘yicha norasmiy muzokaralar olib bormoqda.

"Moskva “biznes orqali tinchlik” konsepsiyasini ilgari surmoqda, bu esa Oq uy va Amerika kompaniyalarini ancha qiziqtirgan", deb yozadi The Wall Street Journal.

Nashrning qayd etishicha, Dmitriyevning strategiyasi Rossiyani AQSh uchun harbiy tahdid sifatida emas, balki ulkan imkoniyatlarga ega mamlakat va Amerika investisiyalari uchun maydon sifatida ko‘rsatishdan iborat.

WSJ o‘nlab tadbirkorlar va amaldorlar bilan suhbatdan so‘ng shunday xulosaga kelgan.