Rossiya O‘zbekistonga ayrim kolbasa mahsulotlari eksportini chekladi

Rosselxoznadzor O‘zbekistonga kolbasa eksportini chekladi. Bu haqda Veterinariya va fitosanitariya nazorati federal xizmati xabar berdi.

Bir qator import qiluvchi mamlakatlarning veterinariya-sanitariya talablariga rioya qilmaslik holatlari qayta-qayta aniqlanganligi sababli, Rosselxoznadzor "Starodvorskiye kolbasi" OAJning tekshiruv hisobotlarini bekor qildi.

"Kompaniyaning tayyor go‘sht mahsulotlarini Abxaziya, Ozarbayjon, Gruziya, O‘zbekiston, Ukraina, Tojikiston, Turkmaniston, Mo‘g‘uliston, Vetnam, BAA va Seyshel orollariga yetkazib berishga cheklovlar kiritildi", — deyiladi xabarda.

Laboratoriya tekshiruvlari natijasida parranda go‘shtidan tayyorlangan kolbasalardan Enrofloksasin antibiotiki, kolbasalarda esa “Karragenan” deb nomlanuvchi deklarasiyalanmagan oziq-ovqat qo‘shimchasi aniqlangan.

Enrofloksasin qoldiqlari bo‘lgan oziq-ovqat mahsulotlarini muntazam iste’mol qilish antibiotiklarga qarshilik ko‘rsatish uchun zarur shart-sharoitlarni yaratadi va go‘sht mahsulotlarida karragenanning haddan tashqari miqdori allergik reaksiyalarga olib kelishi mumkin.