Rossiya Ukrainaning to‘rtta mintaqasiga havo hujumlarini uyushtirdi

So‘nggi 24 soat ichida Rossiya qo‘shinlari Ukrainaning Sumi, Dnepropetrovsk, Xarkov va Zaporojye viloyatlariga zarbalar berdi.

Bu haqda viloyat harbiy ma’muriyati rahbarlari Oleg Grigorov, Aleksandr Ganja va Ivan Fyodorov, shuningdek, Xarkov VHM rahbari Oleg Sinegubov ma’lum qildi.

Hujumlar oqibatida ikki kishi halok bo‘ldi va yana 15 kishi jarohat oldi.

Sumi viloyatida Rossiya qo‘shinlari erta tongda Burinska jamoasidagi xususiy uyga uchuvchisiz uchish apparatlari (dron) bilan ikkita zarba berdi. Binoga jiddiy zarar yetdi va yong‘in sodir bo‘ldi. 29 yoshli ayol va uning 9 yoshli o‘g‘li halok bo‘ldi. Yana to‘rt kishi jarohat oldi, ulardan ikkitasi - marhum bolaning otasi va buvisi - og‘ir kuyish jarohatlari bilan kasalxonaga yotqizildi.

Dnepropetrovsk viloyatida Nikopol viloyatiga qilingan 10 dan ortiq hujumlarda to‘rt kishi, jumladan, 14 yoshli qiz va 16 yoshli o‘g‘il bola jarohat oldi. Qishloq xo‘jaligi korxonasi, xususiy uy va avtomobillar shikastlangan.

Xarkov viloyatida Rossiya qo‘shinlari so‘nggi 24 soat ichida Xarkov va 16 ta qishloqqa zarba berdi. Besh kishi jarohat oldi.

Zaporojye viloyatida ikki kishi jarohat oldi.