Rossiya Ukraina bilan navbatdagi asirlar almashinuvini o‘tkazdi – rasmiy bayonot

Rossiya Mudofaa vazirligi Rossiya va Ukraina o‘rtasida asirlar almashinuvi o‘tkazilganini ma’lum qildi.

Vazirlik ma’lumotlariga ko‘ra, Rossiyaga 270 nafar harbiy va 120 nafar tinch aholi vakili, jumladan, Ukraina Qurolli kuchlari tomonidan qo‘lga olingan Kursk viloyatining tinch aholisi qaytarilgan.

Ukrainaga esa 270 nafar harbiy va 120 nafar tinch aholi vakili qaytarilmoqda, deb xabar berdi Rossiya Mudofaa vazirligi.

Vazirlikning ma’lum qilishicha, asirlar almashinuvini yaqin kunlarda davom ettirish rejalashtirilgan.