Rossiya tinchlik kelishuviga tayyor, lekin Zelenskiy bilan kelishish qiyinroq

Rossiya tinchlik kelishuviga tayyor, lekin Zelenskiy bilan kelishish qiyinroq - Donald Tramp.

AQSh prezidenti bu haqda Oq uyda o‘tkazilgan brifingda ma’lum qildi.

"Menimcha, Rossiya tayyor, ko‘pchilik Moskva barchasiga rozi bo‘lishni xohlayotganini aytmoqda. O‘ylashimcha, biz Rossiya bilan kelishuvga erishdik. Endi Zelenskiy bilan kelishishimiz kerak. Men Zelenskiy bilan kelishish osonroq bo‘ladi, deb o‘ylagandim. Hozircha bu ancha qiyin kechmoqda. Lekin biz har ikki tomon bilan ish olib boryapmiz. Umid qilamanki, bunga erishamiz, chunki men vaziyatni tuzatishni xohlayman. Bilasiz, biz juda ko‘p mablag‘ sarfladik, ammo bu yerda gap ko‘plab odamlarning taqdiri haqida ketyapti", — deya fikr bildirdi Tramp.