Rossiya Tashqi razvedka xizmati “Serbiya harbiy sanoati Rossiyaga orqadan zarba bermoqchi” sarlavhasi ostida press-reliz e’lon qildi.
E’lon qilingan bayonotga ko‘ra, bu yetkazib berishlar “soxta sertifikatlar va vositachi davlatlar” ko‘rinishida, NATO'ga a’zo mamlakatlar, jumladan Chexiya, Polsha va Bolgariya yordamida amalga oshirilmoqda.
Serbiya prezidenti Aleksandr Vuchich agar serb o‘q-dorilari Ukrainaga yuborilishi ehtimoli bo‘lsa, bu kabi bitimlarni to‘sib qo‘yishini aytdi.
Vuchichning so‘zlariga ko‘ra, yakuniy foydalanuvchisi noma’lum bo‘lgan barcha shartnomalar tekshiruvdan o‘tkaziladi, bu borada rossiyalik hamkorlar bilan birga ishchi guruh tuzilgan. U shubhali kelishuvlar bekor qilinishini bildirdi. Shu bilan birga, Vuchich Serbiya harbiy-sanoat kompleksida 25 ming kishi ishlayotganini va bu zavodlar faoliyat yuritishi kerakligini ta’kidldi.
"Agar Afrikaga, Yevropa Ittifoqiga va Qo‘shma Shtatlarga qurol sota olmasak, uni qayerga eksport qilamiz? Biz Serbiya manfaatlari uchun ishlayapmiz", — dedi prezident.
Shu bilan birga, Serbiya rahbari bu masalani avvalroq Rossiya prezidenti Vladimir Putin bilan bo‘lib o‘tgan uchrashuvda muhokama qilganini ham aytdi, biroq uning tafsilotlarini oshkor etmasligini bildirdi.
O‘tgan yil iyun oyida Financial Times Serbiyadan uchinchi tomonlar orqali Ukrainaga yetib borgan o‘q-dorilar eksporti hajmi taxminan 800 million yevroni tashkil qilganini yozgan edi.
Isroil Rossiyani Eronga havo hujumidan mudofaa tizimlarini yetkazib berishdan tiyilishga chaqirdi
Madaniyat vaziri korrupsiyada ayblanib sudga tortiladi
Hindiston o‘z talabalariga O‘zbekistondagi universitetda o‘qishni taqiqladi
