AQSh Rossiya Federasiyasining tashqi qarziga xizmat ko‘rsatish uchun dollarda to‘lovlarni sun’iy ravishda taqiqlash orqali Rossiya uchun muammo yaratmoqchi, ammo Rossiya rublda to‘lovlarni amalga oshiradi, mamlakatda keraklicha mablag‘lar bor. Bu haqda Davlat dumasi spikeri Vyacheslav Volodin Telegram-kanalida ma’lum qildi.
“Birinchidan, bizda to‘lovlar uchun barcha zarur mablag‘lar mavjud. Ikkinchidan, biz rublda to‘laymiz. Bu AQShning tanlovi. Ularning o‘zlari dollarda to‘lovlarni taqiqlab qo‘ygan. Bugun rubl sezilarli darajada mustahkamlandi va bizda bozordagi vaziyat yaxshi”, - deb yozdi Volodin.
Uning so‘zlariga ko‘ra, Rossiya qarori AQSh Rossiyaning tashqi qarziga xizmat ko‘rsatish lisenziyasini uzaytirmaslik orqali mamlakat oldiga qo‘ymoqchi bo‘lgan muammolarga javoban qabul qilingan.
“Bizda rublda o‘zaro hisob-kitoblar tajribasi bor. Gaz shartnomalari buni ko‘rsatdi. Qo‘shma Shtatlar va ularning qarorlarini qo‘llab-quvvatlovchi yo‘ldoshlar rublga ko‘niksin”, - deya ta’kidladi Volodin.
Shoygu urush tugaydigan “aniq va shubhasiz” sanani ma’lum qildi
Zelenskiy shuni yodda tutishi kerakki, u Ashraf G‘ani kabi yoki undan ham battarroq bo‘lishi mumkin
Garri Kasparov terrorchi sifatida tan olindi
