Belgorod viloyati, Yakovlevskiy tumani, Bikovka qishlog‘ida Rossiyaning kuchli portlovchi havo bombasi mahalliy maktab binosiga quladi. Bu haqda Rossiyaning telegram-kanallari favqulodda xizmatlardagi manbalarga tayanib xabar bermoqda.
Voqea 19 noyabr kuni ertalab soat 6:00 atrofida sodir bo‘lgan. Bomba binoning tomini teshib o‘tgan va hozir uchinchi qavatdagi xonalardan birida turibdi. Jabrlanganlar yo‘q. Astra ma’lumotlariga ko‘ra, maktab o‘quvchilari va xodimlarini evakuasiya qilish amalga oshirilmagan. Voqea joyiga polisiya va hududiy mudofaa vakillari yetib borgan.
Bu Belgorod viloyatidagi birinchi bunday hodisa emas. Oktyabr oyi oxirida rus harbiylari Belgoroddan atigi 6 kilometr uzoqlikda joylashgan Pushkarnoye qishlog‘iga kuchli portlovchi bomba tashladi. O‘shanda ham o‘q-dorilar portlamadi va zarar yetkazmadi.
Astra hisob-kitoblariga ko‘ra, 2024 yilda Rossiya armiyasi Rossiya hududi va Ukrainaning bosib olingan hududlariga kamida 150 ta kuchli portlovchi bomba tashlagan.
Mudofaa vazirligi murojaat bilan chiqdi
Dunyoning tabiiy zaxirlari qiymati bo‘yicha eng boy 10 mamlakati
Eron yetakchisi Ali Xomanaiy komada
