Rossiya harbiylari Kursk oblastida Ukraina Qurolli kuchlari (UQK)ga qarshi keng ko‘lamli qarshi hujumga o‘tdi. Bu haqda 10 oktyabr, payshanba kuni kechqurun Ukrainaning Deepstate monitoring loyihasi ma’lum qildi. Rossiyalik harbiy blogerlar ham Rossiya Federasiyasining Korenev, Sudja va Glushkovo rayonlarida faol qarshi hujumi haqida yozyapti.
Xususan, Rossiya Mudofaa vazirligiga yaqin bo‘lgan «Ribar» Telegram-kanali Rossiya bo‘linmalari «Ukraina qo‘shinlarini Glushkovo tumanidan deyarli butunlay siqib chiqarganini» da’vo qilmoqda. «Dva mayora» kanali ruslarning Sudja rayonidagi Zeleniy Shlyax qishlog‘i yaqinida oldinga siljigani haqida xabar berdi. Korenev rayonida, Ukrainaning Deepstate loyihasiga ko‘ra, Ukraina Qurolli kuchlari 10 oktyabrda 38 kvadrat kilometrdan ortiq maydonni yo‘qotdi. Shunday qilib, Ukraina bir oy ichida Kursk oblastida eng katta yer uchastkasidan 24 soat ichida mahrum bo‘ldi, deb yozadi «Agentstvo» Telegram-kanali.
«Severniy veter» kanaliga ko‘ra, 10 oktyabr kuni kechqurun rus qo‘shinlari «beshta aholi punktini egallab, kamida ikkita dushman batalonini o‘rab olishga, ikkita muhim ta’minot va evakuasiya yo‘lini kesishga» muvaffaq bo‘lishdi. 11 oktyabr kuni Chechenistonning «Axmat» maxsus kuchlari qo‘mondoni Apti Alaudinov «Komsomolskaya pravda» gazetasiga bergan intervyusida Rossiya Federasiyasi allaqachon Kursk oblastida 15 aholi punktidan ukrainalik harbiylarni siqib chiqarganini aytdi.
Qozog‘iston Rossiya, Xitoy, Turkiya va Markaziy Osiyo davlatlarini ortda qoldirdi
Ukraina beshta shaharni yo‘qotish xavfi ostida
Turkiya, Eron, Rossiya, Qatar, Misr, Iordaniya va boshqa davlatlar Suriya bo‘yicha qo‘shma bayonot berdi
