Rossiya hududida o‘rmon yong‘inlari sababli favqulodda holat e’lon qilindi

Buryatiya Respublikasida (Rossiya Federasiyasi) o‘rmon yong‘inlari sababli favqulodda holat e’lon qilindi.

Bu haqda Respublika o‘rmon xo‘jaligi agentligi ma’lum qildi.

"Favqulodda vaziyatlar bo‘yicha Respublika komissiyasi qarori bilan 13 maydan boshlab respublika o‘rmonlari hududida hududiy ahamiyatga ega favqulodda holat joriy etildi, o‘rmonga kirish yo‘llari yopildi", — deyiladi xabarda.

13 may kuni ertalab viloyatda Bauntovskiy Evenki va Yeravninskiy tumanlarida jami 53 208 gektar maydonda 22 ta o‘rmon yong‘inlari sodir bo‘ldi. "Yong‘inni o‘chirish kuchli shamol yuklari va borish qiyin bo‘lgan yerlar tufayli qiyinlashmoqda", deb ta’kidladi RALH.

So‘nggi 24 soat ichida 16,6 ming gektar maydondagi yong‘inni o‘chirish mumkin bo‘ldi, Bauntovskiy Evenki hududida to‘rtta yangi yong‘in aniqlandi. "Yong‘inga ehtiyotsizlik sabab bo‘lgan”, — deyiladi agentlik xabarida. Yong‘inni o‘chirishda 533 kishi ishlamoqda.

Yong‘in mavsumi boshidan buyon jami 174 ta o‘rmon yong‘inlari qayd etilgan bo‘lib, barcha yong‘inlarning 90 foizdan ortig‘i inson omillari ta’sirida sodir bo‘lgan.