Rosfinmonitoring sovet sinov uchuvchisi Valeriy Chkalovning nabirasi Darya Bogdanovani "Rossiyadagi terrorchilar va ekstremistlar" ro‘yxatiga kiritdi. Bu idora saytida keltirilgan ma’lumotlardan kelib chiqadi.
Aprel oyida Rossiyada Bogdanovaga nisbatan terrorizmga da’vat qilish bo‘yicha jinoiy ish qo‘zg‘atilgan edi. Bunga Bogdanovaning ijtimoiy tarmoqlardagi Rossiya armiyasi haqida salbiy fikr bildirgan postlari sabab bo‘ldi.
Huquq-tartibot idoralari, shuningdek, uning Ukraina kanaliga bergan intervyusida moskvaliklar va havo trevogasi haqida gapirayotganiga e’tibor qaratdi. Keyinchalik qiz qidiruvga berilgan. Iyul oyida Rossiya Federasiyasi Adliya vazirligi Bogdanovani xorijiy agentlar ro‘yxatiga kiritdi.
Darya Bogdanova Ukraina uchun Freedom Birds harakatining faollaridan biri bo‘lib, u Ukraina Qurolli kuchlari uchun dronlar va boshqa narsalarni sotib olish uchun mablag‘ yig‘ish bilan shug‘ullanadi. Tashkilot saytida aytilishicha, Bogdanova Belgiyaning Leven shahrida yashaydi. U Rossiya Federasiyasi Ukrainaga bostirib kirganidan keyin Rossiya hukumatini bir necha bor tanqid qilgan.
Prezidentdan “dux” olgan Omonboyevaga sud hukmi o‘qildi
Alisher Usmonov nomzodini 103ta davlat qo‘llab-quvvatladi
Rossiya Ukraina hududini «rekord tezlikda» egallab oldi
