Gazetaning manbalariga tayanib xabar berishicha, Rossiya 500 kilometrgacha masofaga zarba berishga qodir “Iskander-M” operativ-taktik raketa kompleksini va 480 kilometrgacha masofaga uchuvchi “Kinjal”aerobalistik raketalarini modernizasiya qilgan. "Rossiya raketalari avval oddiy trayektoriya bo‘ylab uchib, keyin keskin burilish yoki boshqa murakkab harakatlarni bajaradi, bu esa ularga Patriot tizimining raketa tutqichlaridan qochishga imkon beradi", deya yozmoqda nashr. Ma’lumotlarga ko‘ra, so‘nggi oylar ichida Ukraina Rossiya ballistik raketalarini ancha kamroq tutib olishga muvaffaq bo‘lmoqda. Agar avgust oyida havo mudofaasi tizimlari 37 foiz raketalarni tutib olgan bo‘lsa, sentyabr oyida bu ko‘rsatkich 6 foizni tashkil qilgan. Ma’lumot uchun, Patriot Rossiya ballistik raketalarini yo‘q qila oladigan Ukraina Qurolli kuchlarida mavjud yagona havo mudofaa tizimi hisoblanadi.
Toshkent viloyatida poyezd relsdan chiqib ketdi
Netanyaxuning nutqini O‘zbekiston ham boykot qilgan. BAA esa yo‘q
Ukraina dronlari Rossiyaning ikki yirik neft ob’ektlarini yo‘q qilib tashladi
