Sirskiy yozishicha:
«2026 yilda Rossiya yana 409 ming harbiyni safga chaqirishni rejalashtirmoqda. Bu bir narsani anglatadi — dushman o‘z niyatlaridan voz kechmayapti va Ukraina tomonida keyingi agressiyaga tayyorgarlik ko‘rmoqda. Ob-havo sharoitlari yaxshilanishi bilan frontdagi dushman faoliyati ortib borayotganini ko‘ryapmiz.»
Shu bilan birga, Ukraina qo‘mondonligi va G‘arbiy tahlil markazlari ma’lumotlariga ko‘ra, Rossiya armiyasi uchinchi oy davomida yo‘qotgan odamlar sonini to‘ldira olmayapti. Ukraina ma’lumotlariga ko‘ra, 2026 yil yanvar oyida Rossiya yo‘qotganlar soni taxminan 31,7 ming kishini tashkil qilgan — bu shu davrda safga chaqirilganlar sonidan 9 mingga ko‘p. Fevral oyida yo‘qotishlar 35 ming kishiga yetib borgan. CSIS baholashicha, to‘rt yillik urush davomida Rossiya jami o‘ldirilgan va yaralanganlar soni 1,2 millionga yetib borgan.
Mudofaa chiziqlari holati bo‘yicha operativ yig‘ilishda Sirskiy ustuvor vazifalarni belgiladi: fortifikasiyalarni kuchaytirish, dronlardan himoya tizimlarini rivojlantirish va aholi punktlarini mudofaga tayyorlash.
Shu bilan birga, Sergey Lavrov «SVO» maqsadlariga — yoki muzokaralar, yoki «boshqa yo‘llar» orqali erishish mumkinligiga ishonch bildirgan. Biroq Kreml matbuot kotibi Dmitriy Peskov xabar berishicha, Rossiya—AQSH—Ukraina uch tomonlama xavfsizlik guruhi ish faoliyati to‘xtatilgan.
Eron musulmon davlatlariga chaqiriq bilan chiqdi
Erondagi vaziyatdan Markaziy Osiyoda eng ko‘p Tojikiston qiynalishi mumkin
Gruziyada motam kuni e’lon qilindi
