Portugaliya terma jamoasi hujumchisi Krishtianu Ronalduning rafiqasi Jorjina Rodriges ijtimoiy tarmoqda Portugaliya terma jamoasi bosh murabbiyi Jorje Jezushni tanqid qilgan postini o‘chirib tashladi. A Bola nashri xabar berishicha, Rodriges o‘z postida «Manchester Yunayted»ning sobiq bosh murabbiyi Aleks Fergyusonga nisbat berilgan soxta iqtibosdan foydalangan.
Rodriges ushbu postda izoh qoldirib, terma jamoa bosh murabbiyini keskin tanqid qilgan.
«Bu inson qanday qilib o‘zini Xristos nomi bilan atashi mumkinligini tushunmayman», — deb yozgan Rodriges. Biroq u ko‘p o‘tmay ushbu yozuvini o‘chirib tashlagan.
Eslatib o‘tamiz, Ronaldu Daniyaga qarshi Millatlar ligasi 3-tur uchrashuvi (3:2) oldidan Portugaliya terma jamoasi qarorgohini tark etgan edi. Bu Jorje Jezush jamoada hech qanday kelishmovchilik yo‘qligini aytganiga qaramay sodir bo‘lgan.
Bosh murabbiy matbuot anjumanida Ronalduning Daniyaga qarshi bahsda maydonga tushmasligi mumkinligini ham ma’lum qilgan edi.
Portugaliyaning qator ommaviy axborot vositalari esa Ronaldu terma jamoadagi faoliyatini yakunlash niyatida ekani haqida xabar bergan edi.
Aeroportda yangi tug‘ilgan chaqaloq va uning onasi vafot etdi
13 yoshli qiz egizak farzandli bo‘ldi
Ilhom Aliyev: “Dunyoda ikki superqudrat bor”
