Portugaliyalik futbolchi Krishtianu Ronalduning fransiyalik Kilian Mbappening Instagram'dagi sahifasi ostidagi izohi “layk”lar soni bo‘yicha ijtimoiy tarmoq rekordini o‘rnatdi. Bu haqda Daily Mail nashri xabar berdi.
3 iyun kuni Mbappe Ispaniyaning "Real Madrid" klubiga o‘tdi. Transfer e’lon qilingandan so‘ng, futbolchi "Real Madrid" atributlaridagi bolalikdagi fotosuratlari aks etgan postni joylashtirdi, ulardan birida u Ronalduning yonida turgan.
Portugaliyalik futbolchi shunday izoh yozgan: "Endi kuzatish navbati meniki. Men seni “Santyago Bernabeu”ni larzaga keltirayotganingni ko‘rishni xohlayman. Hala Madrid". Ushbu sharh 5 milliondan ortiq layk oldi.