Ronaldu: «O‘g‘lim katta futbolda men bilan birga o‘ynamoqchi...»

«Manchester Yunayted» hujumchisi Krishtianu Ronaldu to‘ng‘ich farzandi bilan katta futbolda o‘ynash uchun ham faoliyatini yaqin orada tugatmasligi mumkinligini bildirdi.

«O‘g‘lim menga: «Dada, yana bir necha yil o‘ynang. Men siz bilan birga to‘p surmoqchiman», dedi. Ha, o‘g‘lim hali endi 12 yoshga kirayotganini inobatga olsak, bu juda ham qiyin, ammo buni uddalashim mumkin», - deydi Ronaldu Frenk Xolid bilan intervyuda.

Eslatib o‘tamiz, 37 yoshli Krishtianu Ronalduning «MYu» bilan amaldagi kelishuvi 2023 yilga qadar imzolangan bo‘lsa, uning 12 yoshli o‘g‘li «MYu» akademiyasida to‘p surmoqda.