Bosh prokuratura huzuridagi Departamentning Buxoro viloyat boshqarmasi tomonidan "Hududgaz Buxoro" Gaz ta’minot filiali xodimlari bilan hamkorlikda o‘tkazilgan tergovga qadar tekshiruvda, Romitan tumanidagi “K.S.” MCHJ moddiy javobgar shaxslari MCHJga qarashli issiqxonani yuqori bosimli tabiiy gaz kollektoriga noqonuniy ulashib, nazorat tamg‘alarisiz elektron gaz hisoblagich orqali tabiiy gazdan foydalanganliklari oqibatida davlat va jamiyat manfaatlariga 437,1 mln so‘m zarar yetkazilganligi aniqlangan.
Mazkur holat yuzasidan Jinoyat kodeksining 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishi qo‘zg‘atilib, tergov harakatlari o‘tkazilmoqda.
