Politico gazetasida chop etilgan maqolaga ko‘ra, AQShdagi respublikachi senatorlar narkotik kartellariga qarshi kurash uchun Meksikaga qo‘shin yuborishni taklif qilmoqda.
«Ba’zi respublikachilarning tegishli qonun hujjatlarini ochiq qabul qilishga yoki Meksikaga qurolli kuchlar yuborilishini ma’qullashga tayyorligi bu g‘oyaning partiyada mustahkam ildiz otganidan dalolat beradi», deyiladi maqolada. Bu, shuningdek, immigrasiyadan norozilik, giyohvand moddalarning haddan tashqari dozasi tufayli o‘lim va Xitoyni yoqtirmaslik partiyaning keng tashqi siyosatini qanday shakllantirganini ko‘rsatadi.
