"Real" yarim himoyachisini 20 million yevroga sotishga tayyor

Madridning "Real" klubi Dani Sebalyosni "Betis"ga qo‘yib yuborishga tayyor bo‘lgan narxni aytdi. Bu haqda AS xabar bermoqda.

Manbaga ko‘ra, "qaymoqranglilar" himoyachini kamida 20 mln yevroga sotadi. Shu bilan birga, Sebalyosni sotib olish istagida bo‘lgan "Betis" faqat 5-10 mln yevro to‘lashga tayyor. Sevilya klubi rahbariyatini Sebalyosning moliyaviy talablari ham qo‘rqitmoqda - ispaniyalikning "Real"dagi maoshi yiliga 9 mln yevroni tashkil etadi.

Dani Sebalyos 2017 yildan beri Madrid klubi sharafini himoya qilib kelmoqda. "Real" bilan futbolchi ikki marta Ispaniya chempionligini qo‘lga kiritgan va uch marta Chempionlar ligasi g‘olibiga aylangan. Sebalyosning narxi Transfermarkt ma’lumotlariga ko‘ra, 10 mln yevroni tashkil etadi.