"Real" va "Atletiko" sobiq darvozaboni endi Masharipov va Ashurmatov bilan bir jamoada o‘ynaydi

Faoliyati davomida "Real Madrid", "Atletiko", "Betis" va "Sporting" kabi nomdor jamoalar darvozasini qo‘riqlagan Antonio Adan faoliyatini Eronning "Istiqlol" klubida davom ettiradi.

Tehron klubi 38 yoshli ispaniyalik golkiperni erkin agent sifatida o‘z safiga qo‘shib oldi va 2026 yilning iyun oyi oxirigacha shartnoma imzoladi.

Adan - "Real" tarbiyalanuvchisi hisoblanadi. U o‘tgan mavsumni "Sporting"da o‘tkazdi va erkin agent sifatida jamoani tark etgandi.

Ma’lumot uchun, "Istiqlol" safida hozirda ikki hamyurtimiz Jaloliddin Masharipov va Rustam Ashurmatov harakat qiladi.