Mundo Deportivo nashrining xabar berishicha, «Real Madrid» – «Pachuka» o‘yinidan bir necha soat oldin o‘yingoh atrofi «Madrid» muxlislari bilan to‘ldi. Ularning ko‘pchiligi Vinisius Junior, Kilian Mbappe va Krishtianu Ronaldu liboslarini kiyib olishgan edi.
«Ronaldu bilan ajoyib xotiralarimiz bor. U bizga juda ko‘p zavqli onlarni taqdim etgan. Biz Atlantada yashaymiz. O‘yindan zavq olish uchun keldik. Oilamiz bilan «Real»ga muxlislik qilamiz», – dedi Atlantada yashovchi «Real» muxlisi.
«Farzandam bolaligidan Ronalduni yoqtiradi. U Krishtianuni «Real Madrid»dagi faoliyatidan beri kuzatib keladi. Men ham u kabi «Real» muxlisman», – dedi 7 raqamli Ronalduning libosini kiygan ota-bola.
Uchrashuvga yaqin vaqt qolganida eng arzon chipta narxi 92 dollardan sotilayotgan edi. O‘yingoh atrofida oz sonli «Pachuka» muxlislari ham bor edi. Dastlabki turda Meksika klubi raqibga imkoniyatni boy bergan bo‘lsa, «Real Madrid» Saudiya Arabistoni klubi bilan durang o‘ynagan edi.
Abduqodir Husanov «Barsa»ga o‘tishi mumkin — Deku uni «kelajak himoyachisi» deb biladi
Mahmud Muradov chexiyalik modelning qo‘lini so‘radi
Messi: "Krishtianu Ronalduga qoyil qolaman"
