Klaudio Ranyeri «Roma»ga yangi bosh murabbiy etib tayinlandi.
Italiya klubi Ranyeri bosh murabbiy etib tayinlanganini rasman e’lon qildi.
73 yoshli mutaxassis mavsum oxirigacha jamoani boshqaradi, shundan so‘ng «Roma»da sport masalalari bo‘yicha maslahatchi lavozimini egallaydi. Bundan tashqari, jamoaning navbatdagi bosh murabbiyini tanlashda Ranyerining fikri hisobga olinadi.
Ranyeri avvalroq faoliyatidagi ikki davr - 2009 yildan 2011 yilgacha va 2019 yilda «Roma»ga murabbiylik qilgan.
