Prezident Shavkat Mirziyoyev raisligida o‘tkazilgan videoselektor yig‘ilishida davlat rahbari kelasi haftadan muborak Ramazon oyi boshlanishi haqida gapirib, ichki bozorlarda narx-navo barqarorligini ta’minlash har qachongidan ham muhimligini ta’kidladi.
“Keyingi haftadan muborak Ramazon oyi boshlanadi. Saxovat, mehr-oqibat va shukronalik ramzi bo‘lgan ushbu muqaddas kunlarda ichki bozorlarda narx-navo barqarorligini ta’minlash har qachongidan ham muhim”, – dedi davlat rahbari.
Ramazon oyi munosabati bilan dehqon bozorlari va yirik savdo komplekslarida arzonlashtirilgan oziq-ovqat yarmarkalarini boshlash bo‘yicha topshiriq berildi.