Eron hali ham minglab dronlar va ko‘plab raketalarga ega

AQSh razvedka hamjamiyati, AQSh va Isroil harbiy operasiyalari davom etayotganiga qaramay, Eron raketa va dron hujumlarining sezilarli imkoniyatlarini saqlab qolganiga ishonadi.

CNN telekanalining xabar berishicha, AQSh razvedka agentliklari Eronning raketa uchirish moslamalarining taxminan yarmi butunligicha qolganini taxmin qilmoqda.

Bundan tashqari, Tehron hali ham uchuvchisiz uchish apparatlarining (dron) taxminan 50 foiziga egalik qiladi, deyiladi. Eron qirg‘oqlari yaqinida joylashtirilgan kruiz raketalarining katta qismi ham yo‘q qilinmagan.

Ushbu ma’lumotlarga ko‘ra, qolgan resurslar Eronga ham raketalar, ham uchuvchisiz uchish apparatlari yordamida hujumlarni davom ettirish imkonini beradi.

31 mart kuni Islom inqilobi qo‘riqchilari korpusi Eronning strategiyasi Isroil va AQShning harbiy salohiyatini iloji boricha to‘liq ishga solish ekanligini ma’lum qildi.