isroil milliy xavfsizlik vaziri Itamar Ben-Gvir payshanba kuni ertalab bosib olingan Sharqiy Quddusdagi Al-Aqso masjidiga bostirib kirdi. Unga ko‘plab isroillik askarlar hamrohlik qilgan.
Falastin manbalariga ko‘ra, Ben-Gvir muqaddas masjid hovlilari bo‘ylab provokasion sayohat uyushtirgan. isroil askarlari Ben-Gvir tashrifi chog‘ida falastinlik namozxonlarning Al-Aqso masjidiga kirishiga to‘sqinlik qildi.
O‘ta o‘ngchi «Yahudiy kuch» partiyasi rahbari Ben-Gvir isroillik ko‘chmanchilarni Al-Aqso masjidiga bostirib kirishga muntazam ravishda gijgijlashi bilan tanilgan. Bu uning 2022 yil dekabrida vazir etib tayinlanganidan beri ziyoratgohga beshinchi tashrifidir.