Ukraina Oliy Radasi 9 oktabr kuni bo‘lib o‘tgan yig‘ilishda 18 yoshdan 25 yoshgacha bo‘lgan ayrim ukrainaliklarni majburiy safarbarlikdan ozod qiluvchi qonunni yoqlab ovoz berdi.
Deputat Aleksey Goncharenkoga ko‘ra, hujjatni 311 deputat qo‘llab-quvvatlagan. Qonun sog‘lig‘iga ko‘ra tinchlik davrida harbiy xizmatga yaroqsiz deb topilgan va urushga layoqatli deb topilgan shaxslarga nisbatan kechiktirishni nazarda tutadi.
RBK-Ukrainaning aniqlik kiritishicha, o‘zgarishlar may oyida 25 yoshdan boshlab safarbarlik to‘g‘risidagi qonun kuchga kirganidan keyin yuzaga kelgan huquqiy ziddiyatni hal qilishga qaratilgan. Ilgari harbiy xizmatga 18 yoshdan 25 yoshgacha bo‘lgan, xizmatga yaroqliligi cheklangan shaxslar hatto tinchlik davrida ham safarbar etilishi mumkin edi, bu esa bunday chaqiruv zarurligi haqida bahs-munozaralarga sabab bo‘ldi. Endilikda, yangi qonunga ko‘ra, bu fuqarolar faqat ularning roziligi bilan va faqat harbiy holat davrida harbiy xizmatga chaqirilishi mumkin.
❕ Rossiya-Ukraina urushi boshlanganidan beri Ukrainadagi safarbarlik 27 yoshdan 60 yoshgacha bo‘lgan fuqarolarga tegishli edi, ammo 2024 yil may oyida eng kam yosh 25 yoshga tushirildi.
Ukraina dushman uchun «Jahannam» tayyorladi
Qo‘shma Shtatlar Rossiyaga qarshi bayonot bilan chiqdi
Talabalarga Yangi yil bayramini nishonlash taqiqlandi
