Qo‘qonlik shartli ismi Botir bo‘lgan shaxs ishdan qaytgandan so‘ng uyda ventilyator shabadasida dam olishni istaydi. Ammo bu vaqtda uning o‘g‘li Suhrob ham salqinda dam olishni ko‘zlab turgandi.
Suhrob ventilyatorni qo‘shni xonaga olib chiqib ketadi. Natijada janjal boshlanadi va o‘g‘il o‘z otasiga qo‘l ko‘taradi. Oxir-oqibat Botir o‘g‘liga pichoq uradi.
«Nafsoniyatimga tekkani uchun, bir musht urgani va bo‘g‘ib olgani uchun men shu ishni qildim, unga tan jarohati yetkazdim», — deydi Botir.
Xabar qilinishicha, Botir o‘g‘lining qorniga bir marta va ko‘kragining chap qismiga ikki marotaba oshxona pichog‘i bilan zarba bergan. Ko‘rsatilgan tez tibbiy yordam natijasida Suhrobning hayoti saqlab qolingan, ammo ahvoli og‘ir, ayni vaqtda Qo‘qon shahridagi markaziy shifoxonada shifokorlar nazoratida.
Fuqaro Botirga nisbatan jinoyat kodeksining 104-moddasi, 1- qismi bilan jinoiy ish qo‘zg‘atilib, tergov harakati olib borilmoqda.
O‘zbekiston tibbiyoti og‘ir judolikka uchradi
Sirdaryoda ayol va uning farzandlarini o‘ldirib, uyni yoqib yuborishdi
Shavkat Mirziyoyevni haqoratlab, izoh yozgan yigit 5 yilga qamaldi
