Qozog‘istonning Isroil, Eron va Livandagi diplomatlari kuchaytirilgan ish rejimiga o‘tdi

Yaqin Sharqdagi keskin vaziyat munosabati bilan mamlakatning Isroil, Eron va Livandagi konsulligi kuchaytirilgan ish rejimiga o‘tkazildi. Bu haqda Qozog‘iston Tashqi ishlar vazirligi rasmiy vakili Aybek Smadiyarov ma’lum qildi.

“Oxirgi bir necha oy ichida Yaqin Sharqdagi vaziyat juda keskinlashdi. Shu munosabat bilan Isroil, Eron va Livandagi qozog‘istonlik diplomatlar kuchaytirilgan ish rejimida ishlamoqda. Bu mamlakatlardagi Qozog‘iston fuqarolari bilan aloqalar yo‘lga qo‘yilgan, ular bilan doimiy aloqa mavjud. Mamlakatdagi vaziyatga qarab kerakli tavsiyalar beriladi. Qozog‘iston elchixonalari harbiy-siyosiy vaziyat keskinlashgani sababli mamlakatni tark etish zarurligini bir necha bor e’lon qilgan”, — dedi Aybek Smadiyarov vazirlikda o‘tkazilgan brifingda.