Qozog‘iston Bosh prokurori Berik Asilov yanvar oyidagi tartibsizliklarda qaysi chet davlat fuqarolari ham qatnashganini ma’lum qildi. Bu haqda Tengrinews.kz yozmoqda.
"Ommaviy tartibsizliklarda va boshqa jinoyatlarda ishtirok etganlikda gumonlanuvchi sifatida xorijliklar ham aniqlangan. Ular orasida O‘zbekiston, Rossiya, Qirg‘iziston va Tojikiston fuqarolari ham bor", — dedi Asilov.
Uning ta’kidlashicha, hibsga olinganlar orasida buzg‘unchi diniy oqimlarning sakkiz nafar tarafdori ham bor.
Ma’lumot uchun, bugun, 5 yanvar kuni Qozog‘iston bosh prokurori Berik Asilov va ichki ishlar vaziri Marat Axmetjanov quyi palatada yanvar voqealari yuzasidan surishtiruvning borishi haqida hisobot bermoqda.
