Qozog‘istonda qaynopasiga ta’zim qilmagan kelin ishi sudga oshirildi

Ma’lum qilinishicha, kuyov to‘y marosimida xotinidan uning opasiga ta’zim qilishni so‘ragan. Kelin bunga rozi bo‘lmagan. Shundan so‘ng er uyga qaytgach, haqoratli so‘zlar bilan turmush o‘rtog‘ini so‘kkan.

Oilaviy mojaro oxir-oqibat Jambil viloyati Juali tuman sudida ko‘rib chiqilgan. Sudda ayol turmush o‘rtog‘i uni nafaqat haqorat qilganini, balki qaynonasiga qo‘ng‘iroq qilib, qo‘pollik bilan “qizingizni olib ketinglar” deb talab qilganini aytgan.

“Sudda erkak aybiga iqror bo‘lib, xotinidan kechirim so‘radi va nizoni mediasiya yo‘li bilan hal qilishni taklif qildi. Jabrlanuvchi ham yarashishga rozi bo‘ldi”, deyiladi ish materialida.