Qozog‘istonda jamoat joylarida niqob va yuzni berkitish taqiqlandi

Qozog‘iston prezidenti Qasim-Jomart Tokayev jamoat joylarida yuzni to‘liq berkitadigan kiyimlarni, jumladan, niqob taqishni taqiqlovchi hujjatni imzoladi.

Yangi qonunga muvofiq, jamoat joylarida yuzni tanib bo‘lmaydigan darajada berkitish mumkin emas. Bu cheklov diniy sabablarga asoslangan holda niqob, burqa va shunga o‘xshash kiyimlarni qamrab oladi.

Rasmiylar bu chora jamiyat xavfsizligi va shaxsni aniqlash imkoniyatini ta’minlash maqsadida joriy etilganini ta’kidlamoqda.