Qozog‘istonda IBA Jahon chempionatining g‘olib va sovrindor bokschilari yaxshigina mukofot bilan siylandi

Qozog‘istonda IBA Jahon chempionatining g‘olib va sovrindor bokschilari yaxshigina mukofot bilan siylandi.

Bu haqda "Sport Shredingera" nashri xabar bermoqda.

Ma’lum bo‘lishicha, Jahon chempioni Orazbek Asilqulov Ostona hokimiyatidan 2 million tenge, bronza medali sohibi Temirtas Jusupov esa 1 million tenge miqdorida mukofot puli olgan.

Jahon chempionatining yana bir g‘olibi Saken Bibosinovga Chimkentdagi o‘zi tahsil olgan Markaziy Osiyo innovasiya universitetida 2 million tenge pul mukofoti hamda ot sovg‘a qilingan.

JChning yana bir oltin medali sohibi Abilayxan Jusupov o‘zi tug‘ilib o‘sgan Abay shahridan kvartira bilan taqdirlangan.