Rossiya va Qozog‘iston avtomobil bozorida 2020 yildan boshlab, shu jumladan Chevrolet avtomobillari ushbu bozorlarda sotuvi qayta tiklanganidan beri (2020 yildan boshlab) butun davr mobaynida narxlarning oshishi kuzatilmoqda. Bunga bir qancha omillar sabab bo‘ldi. Birinchi navbatda — pandemiya, yarimo‘tkazgich komponentlarining yetishmasligi, global logistika inqirozi va avtomobilsozlik sanoati uchun xom ashyo narxining umumiy ko‘tarilishi.
2021 yilda Qozog‘istonda avtomobillar narxi ham jahon tendensiyalariga mos ravishda oshib bordi. Qozog‘istonda 2021 yilda sotuvlarda Chevrolet Cobalt va Nexia hisoblanadi. Bugungi kunda Cobalt ning salon preyskurantidagi narxi 5,29 dan 6,19 million tengegacha o‘zgarib turadi, 2020 yilda esa ular ushbu sedan uchun 3,99 dan 4,99 million tengegacha narx belgilashgan.
2020 yildan beri Qozog‘istonda eng mashhur brend avtomobillari komplektasiyasiga qarab o‘rtacha 800 000 dan 1,3 million tengegacha qimmatlagan. Dinamikadan kelib chiqqan holda, Qozog‘istonda Chevrolet avtomobillari sezilarli darajada qimmatlashgan - 20 foizdan 33 foizga, ayni damda Chevrolet Cobalt LT/AT narxi 13 534 dollarni, Cobalt ltz esa 14 223 dollarni tashkil etadi, bu esa O‘zbekistonga qaraganda 3 480 dollarga qimmatroqligini bildiradi.
Kommersant.ru ma’lumotlariga ko‘ra («Seni idut na obgon» maqolasi), so‘nggi bir yil ichida Rossiyada yangi avtomobillarning o‘rtacha narxi 12-20 foizga oshgan.
Narxlarning oshishi UzAuto Motors avtomobillariga ham ta’sir qildi. Masalan, Chevrolet Nexia LT/AT Rossiyada sotuv qayta tiklanganidan beri (2020 yil) 809 900 rubldan 901 900 ga (11 400 dollar), Chevrolet Cobalt LT/AT 849 900 rubldan 955 900 rublgacha (12 082 dollar) qimmatlashgan. 2020-21-yillarda Rossiyada O‘zbekistondan eksport qilingan avtomobillar narxi o‘rtacha oshish sur’ati 10-21 foizni tashkil etdi. O‘zbekiston bozori bilan solishtirganda narxdagi farq ham yaqqol ko‘rinib turibdi – o‘rtacha hisobda O‘zbekistondagi shunga o‘xshash modellardan 2260 dollarga qimmatroq.
