Qozog‘iston AQShni ixtiyoriy ravishda tark etishga chaqirdi

Qozog‘istonning Amerika Qo‘shma Shtatlaridagi elchixonasi, AQShning noqonuniy migrantlarga qarshi olib borilayotgan qat’iy migrasiya siyosati doirasida, qonuniy vizasi yoki yashash huquqi (yashash kartasi) bo‘lmagan xorijliklarga mamlakatni tark etish imkoniyatini taqdim etdi.

Elchixonaning bayonotiga ko‘ra, AQSh hukumati xorijliklarga, agar ular mamlakatda qonuniy ravishda qolish huquqiga ega bo‘lmasa, o‘z ixtiyori bilan mamlakatni tark etishni taklif qilmoqda. Bu chora, migrantlarni majburiy chiqarib yuborish va kelajakda AQShga viza olishni taqiqlashdan qochishga yordam beradi.

AQSh hukumati, noqonuniy migrantlarga qarshi qat’iy choralar ko‘rmoqda, jumladan, hibsga olish, deportasiya qilish va qayta kirishga taqiq qo‘yish kabi jarayonlar mavjud. Bundan tashqari, noqonuniy immigrasiya qilganlar ijtimoiy yordamlar, ish ruxsatnomalari va boshqa imtiyozlardan mahrum bo‘lishadi.

Donald Trumpning ikkinchi prezidentlik muddati boshida, noqonuniy migrasiya bilan bog‘liq favqulodda holat e’lon qilingan va harbiy kuchlarga chegaralarni xavfsizligini ta’minlashda yordam berish topshirilgan edi. Shuningdek, Tramp yangi boshpana so‘rovlarini taqiqlash va AQShda tug‘ilgan migrantlar bolalarining fuqarolik olish shartlarini qiyinlashtirishga oid farmonlar imzolagan.

«Deportasiya parvozlari boshlangan», - deya ma’lum qildi Oq uy matbuot kotibi Karolin Levitt.