Qoraqalpog‘istonda yuqori natija ko‘rsatgan MIB xodimlari rag‘batlantirildi

Majburiy ijro byurosi Qoraqalpog‘iston Respublikasi boshqarmasi boshlig‘i R.T.Xalmuratov rahbarligida joriy yilning iyul oyida xodimlar tomonidan amalga oshirilgan ishlar yuzasidan yig‘ilish bo‘lib o‘tdi.

Yig‘ilishda, o‘tgan oyda amalga oshirilgan ishlar bo‘yicha tuzilgan reytingda eng yuqori natijalarni qayd etgan davlat ijrochilari A.Yuldashov, A.Kurbaniyazov va N.Abdikarimovalar, boshqarmaning o‘tgan oydagi eng yaxshi xodimi sifatida tan olingan A.Utegenov, B.Rozumbetov va R.Babajanovlarga boshqarma boshlig‘ining maxsus buyrug‘iga asosan moddiy rag‘batlantirish va sovg‘alar berildi. Rag‘batlantirilgan xodimlarning ota-onalariga minnatdorchiliklar izhor etildi.

Bundan tashqari, O‘zbekiston Respublikasi Bosh prokurorining buyruqlariga asosan bir qator xodimlarga navbatdagi darajali unvonlar topshirildi.