Qozog‘iston orqali Xitoyga oltinni yashirincha olib o‘tmoqchi bo‘lgan Qirg‘iziston fuqarosidan oltita oltin quymasi musodara qilindi. Bu haqda Qozog‘iston Bosh transport prokuraturasi xabar berdi.
Ma’lum qilinishicha, ayol «Qorday Avto» nazorat-o‘tkazish punkti va «Xorgos» xalqaro chegaraoldi hamkorlik markazi orqali oltinni olib o‘tishga uringan. Tozaligi 99 foizdan yuqori bo‘lgan quymalardan uchtasi uning poyabzali tagiga yashirilgan.
Sud qaroriga ko‘ra, umumiy og‘irligi 2,8 kilogramm bo‘lgan, qiymati 182,3 million tengega (taxminan 401,6 ming dollar) baholangan oltin quymalari davlat foydasiga musodara qilingan.
Sud qarori qonuniy kuchga kirgan. Hozirda sudga qadar tergov davom etmoqda.
Ikki futbolchi zo‘rlash ishida qo‘lga olindi
Jizzaxda erkak 10 yoshli bolani zo‘rlab, so‘ng o‘z joniga qasd qildi
Shaxmat terma jamoasi a’zolari hibsga olindi
