Qirg‘iziston Ichki ishlar vazirligining xabar berishicha, mamlakatning sobiq prezidenti Almazbek Atambayevning o‘g‘li Qodirbek Atambayev va uni tarafdori bo‘lgan bir necha shaxs ommaviy tartibsizliklar tashkil etganlikda ayblanmoqda.
Tergov versiyasiga ko‘ra, qo‘lga olinganlar parlament saylovlari natijalari e’lon qilinganidan keyin “Konstitusiyaga zid talablar” qo‘yish va “Ma’muriy binolar, telekanallar, kuch tuzilmalari ob’ektlari, qurol-yarog‘ va jazoni ijro etish muassasalarini egallashga urinish”ni rejalashtirgan.
"Ushbu harakatlarga kuch bilan ko‘maklashishni “jinoiy elementlar” amalga oshirishi kerak edi. Tintuvlar davomida qurollar, o‘q-dorilar, granatalar, aloqa vositalari, tartibsizliklarni moliyalashtirishga oid hujjatlar, harakat rejalari, narkotik moddalar, shuningdek 150 ming dollar miqdorida pul mablag‘lari musodara qilindi", deyiladi vazirlik matbuot xizmati xabarida.
Qirg‘iziston parlamentiga muddatidan oldin saylovlar shu yilning 30 noyabrda bo‘lib o‘tadi. Parlament saylovlari 2026 yil noyabrida o‘tkazilishi rejalashtirilgan edi, ammo 25 sentyabrda amaldagi deputatlar ixtiyoriy ravishda o‘z vakolatlarini topshirishlarini e’lon qilishgandi.
O‘zbekistonliklar va turkmanistonliklarning qarshiligiga qaramay Rog‘un GES qurilishi davom etadi
Jizzaxda Lacetti va yuk mashinasi ishtirokidagi "avariya"da 5 kishi halok bo‘ldi
Eron Isroil bilan urushda Rossiyaning yordami haqida gapirdi
