Qirg‘izistonda energetik ichimliklar ishlab chiqarish va ularni xorijdan olib kirish butunlay taqiqlanishi mumkin. Prezident Sadir Japarov hukumatga ushbu masalani bir oy ichida o‘rganib chiqish vazifasini yukladi.
Davlat rahbari energetik ichimliklarni muntazam iste’mol qilish sog‘liq uchun xavf tug‘dirishi va ularga o‘rganib qolish holatlarini keltirib chiqarishi mumkinligini ta’kidladi.
Japarovning ma’lum qilishicha, 2025 yilda mamlakat aholisi qariyb 129 million banka energetik ichimlik iste’mol qilgan. 2026 yilning dastlabki olti oyida esa bu ko‘rsatkich 85,9 million bankani tashkil etgan.
Dastlabki hisob-kitoblarga ko‘ra, taqiq kuchga kirsa, davlat byudjeti taxminan 1,5 milliard som soliq tushumidan mahrum bo‘ladi.
"Biroq millat, fuqarolar va kelajak avlodlar salomatligini hech qanday pul bilan o‘lchab bo‘lmaydi", — dedi Qirg‘iziston prezidenti.
Hukumatga bir oyda taqiq masalasini ko‘rib chiqish, olti oy ichida esa qonunchilik doirasida tegishli tartibga solish choralarini ishlab chiqish topshirilgan. Hozircha yakuniy taqiq joriy etilmagan.
"Mayli meni o‘ldirishsin. Lekin... "
Xakerlar 27 milliondan ortiq o‘zbekistonlikning shaxsiy ma’lumotlari saqlangan bazani buzib kirdi
Tramp Erondagi uzoq davom etgan urush uchun Pentagon rahbari va Birlashgan shtab boshliqlari qo‘mitasining boshlig‘ini ayblashi mumkin - The Atlantic
