Qirg‘izistonning O‘sh shahrida 15 yoshli qiz bir oydan ortiq vaqt davomida jinsiy qullikda bo‘lgan, deb xabar beradi Qirg‘iziston Respublikasi ombudsmani matbuot xizmati.
O‘smirning vakili Jahongir Sayfullayev Qirg‘izistonning haqiqatchisi (ombudsman) Jamila Jamanbayeva bilan bog‘landi. Uning so‘zlariga ko‘ra, jabrlanuvchi qiz itoatsizligi uchun jazolangan va hammasi videoga olingan va hozir ijtimoiy tarmoqlarda tarqalmoqda.
“Videoda qizning zo‘rlangani haqidagi dahshatli kadrlar aks etgan. Ular uni kaltaklab, zo‘ravonlik bilan qo‘rqitib, yechintirib, pichoq bilan qoshlarini oldirgan. O‘smir intim xizmatlari uchun turli erkaklarga “sotilgan”. U jahannamning barcha davralarini bosib o‘tdi”, – dedi u.
J.Jamanbayeva huquq-tartibot idoralari rahbarlarini zo‘ravonlikka uchragan 15 yoshli qizning huquqlarini ta’minlash uchun shoshilinch choralar ko‘rishga chaqirdi. Hozirda unga huquqiy yordam ko‘rsatilmoqda. Zo‘ravonlik qurboni uzoq muddatli reabilitasiyani talab qiladi. U o‘z hayotidan qo‘rqadi, chunki jinoyatga aloqadorlarning barchasi ozodlikda. Haqiqatchi huquq-tartibot organlaridan odam savdosi qurbonlari xavfsizligini ta’minlash choralarini ko‘rishni talab qildi.
“Bola savdosi bilan shug‘ullanuvchilar qonun doirasida maksimal darajada jazolanishi kerak. Bunday ochiq jinoyatga aloqador har bir kishi topilib, jazolanishi kerak”, – deya talab qildi J.Jamanbayeva.
Ofiserlar ommaviy ravishda ishdan bo‘shamoqda
“Axmat” qurolli bo‘linmasi qo‘mondoni Apti Alaudinov o‘z ixtiyori bilan taslim bo‘lgan chechenlarni qutqarmasligini, ular "yashashga loyiq emasligini" aytdi
Isroil jiddiy xatoga yo‘l qo‘ydi
