Qaysi rangdagi avtomobillar ko‘pligi ma’lum bo‘ldi

2024 yilda dunyoda qaysi rangdagi avtomobillar eng ommalashgani ma’lum bo‘ldi. So‘nggi yillarda avtohavaskorlarning didi o‘zgarishni boshlab, xilma-xil, ayniqsa, yorqin ranglar urfga kirmoqda, deb yozdi Motor1 sayti.

Oq — hamon eng ommalashgan avtorang bo‘lib qolmoqda, jahonda bu tusdagi mashinalarning ulushi — 34 foiz. Qora rang — ikkinchi (22 foiz), kulrang — uchinchi o‘rinda (17 foiz). Shuning barobarida, yashil, sariq va binafsharang kabi yorqin ranglar urfga kirmoqda.

Ranglar mintaqalarga qarab farqlanadi. Yevropada qaymoqrang avtomobillar ommalashgan, AQShda — kulrang, Janubi-Sharqiy Osiyoda qora rangli mashinalar ko‘paymoqda.

2024 yilda jahonda eng ommalashgan avtomobil ranglari:

1. Oq — 34 foiz
2. Qora — 22 foiz
3. Kulrang — 17 foiz
4. Ko‘k — 7 foiz
5. Qizil — 4 foiz
6. Yashil — 2 foiz
7. Sariq — 1,5 foiz
8. Jigarrang — 1 foiz
9. Qaymoqrang — 1 foiz
10. Binafsharang — 1 foiz.