4 iyun kuni Qashqadaryo viloyati Qamashi tumanida Damas avtomashinasi daraga ag‘darilishi oqibatida 3 kishi vafot etdi, deya xabar bermoqda Favqulodda vaziyatlar vazirligi matbuot xizmati.
O‘sha kuni soat taxminan 07:20 atrofidaTumanning «Kon» qishlog‘i hududi — Maydanak va Qiziltepa yo‘nalishining 38 kilometrida harakatlanib ketayotgan Damas haydovchisi boshqaruvni yo‘qotib, daraga ag‘darilib ketgan.
Oqibatda avtomashinada bo‘lgan 3 nafar fuqaro voqea joyida vafot etgan. Yana 3 nafar fuqaro turli darajadagi tan jarohatlar bilan tumani shifoxonasiga yuborilgan.
Voqea joyiga viloyat FVB rahbariyati boshchiligida qutqaruvchilar, tuman hokimi va tegishli tashkilot vakillari yetib borib, qutqaruv ishlarni amalga oshirgan. Hozirda holat yuzasidan surishtiruv harakatlari olib borilmoqda.
