“Qarshi aeroporti” chegara bojxona posti orqali “Qarshi-Moskva” yo‘nalishidagi HY-9623-sonli aviareys bilan uchib ketishni maqsad qilgan fuqaro X.X. “yashil yo‘lak” orqali harakatlanib kelayotganida, yonidagi qo‘l va yuk sumkalari rentgen apparatida bojxona nazoratidan o‘tkazilgan. Bu haqda viloyat bojxona boshqarmasi Matbuot xizmati xabar qildi.
Yo‘lovchi bojxona deklarasiyasida yozib ko‘rsatilmagan, qadimiy va tarixiy ahamiyatga ega bo‘lgan, O‘zbekiston Respublikasi hududidan olib chiqilishi taqiqlangan, ishlab chiqarilganligiga 50 yildan oshgan jami 116 dona, metaldan tayyorlangan qadimiy tangalarni respublikadan yashirin tarzda olib chiqayotgan vaqtda to‘xtatib qolingan.
Hozirda mazkur holat yuzasidan ma’muriy ish yuritilib, sud organlariga yuborilgan.
Ushlab qolingan qadimiy tangalar “Qashqadaryo viloyati tarixi va madaniyati davlat muzeyi”ga topshirilgan.
O‘zbekiston Respublikasi Madaniy meros agentligining tegishli xulosasiga ko‘ra, tangalar orasida Buxoro amirligi davrida zarb etilgan tangalar ham mavjudligi qayd etilgan.
Sovuq, qor va yomg‘ir: yangi hafta uchun ob-havo ma’lumoti e’lon qilindi
Bugun kechqurun va kunduzi yomg‘ir va qor yog‘ishi kutilmoqda
Kuraxovo suv ombori to‘g‘onining portlashi aks etgan video e’lon qilindi
