Rossiya G‘arbni Kaspiy dengiziga kiritmaslikka va’da bermoqda

Rossiyaning Kaspiy dengizi mintaqasida qulay joylashuvga ega bo‘lgan Janubiy Kavkaz va Markaziy Osiyo davlatlari bilan o‘zaro hamkorligi «G‘arbning noroziligi va qarshiliklariga sabab bo‘lmoqda». Bularning barchasi «Kaspiy dengizi atrofidagi muammolarni kompleks hal qilishni» talab qiladi, dedi Rossiya Federasiyasi Prezidentining yordamchisi, Dengiz kollegiyasi raisi Nikolay Patrushev Astraxan viloyati kemasozlik majmuasini rivojlantirish bo‘yicha yig‘ilishda.

«Kaspiy dengizi nafaqat neft va gaz resurslariga, yaxshi tranzit salohiyatiga, balki Markaziy Osiyo, Kavkaz va Yaqin Sharqda xavfsizlikni ta’minlash imkonini beruvchi qulay harbiy-strategik mavqega ega bo‘lgan noyob suv havzasidir». «Rossiya, Janubiy Kavkaz, Markaziy Osiyo davlatlari o‘rtasidagi o‘zaro hamkorlikning kengayishi va Kaspiy bo‘yi davlatlarining mintaqaviy muammolarni hal qilish yo‘nalishi kollektiv G‘arbning noroziligiga sabab bo‘lmoqda», dedi Patrushev.

Rossiya prezidenti yordamchisining aytishicha, Qo‘shma Shtatlar va YEI «bu davlatlar o‘rtasidagi munosabatlarni keskinlashtirish va ularning siyosiy va savdo aloqalari darajasini pasaytirishga urinishlar» qilmoqda. «Bunday sharoitda Kaspiy dengizini o‘zlashtirish masalalari har tomonlama hal etilishi kerak», — deya qo‘shimcha qildi u.

Patrushev, shuningdek, «Aynan Rossiyaning Kaspiy dengizidagi harbiy ishtiroki ba’zi qirg‘oqbo‘yi davlatlarining uchinchi mamlakatlar - asosan AQSh va Shimoliy Atlantika alyansi a’zolari uchun o‘z suv havzalarini ochishga urinishlarini to‘xtatishga imkon beradi,» dedi.