Qaroqchilar Germaniyadagi bankdan 100 million yevrolik qimmatbaho buyumlarni o‘g‘irlab ketishdi

Gelzenkirxen dagi (Shimoliy Reyn-Vestfaliya, Germaniya) Sparkasse bank kassasidan noma’lum shaxslar tomonidan o‘g‘irlangan qimmatbaho buyumlarning umumiy qiymati 100 million yevrodan ortiq baholanmoqda.

Bu haqda Bild nashri o‘z manbalariga tayanib xabar berdi.

Dastlab zarar taxminan 30 million yevroga baholangan edi. Sparkasse filiali Rojdestvo bayramlari uchun yopildi. Dastlabki ma’lumotlarga ko‘ra, o‘g‘rilar binoga yaqin atrofdagi avtoturargoh orqali kirib, devordagi katta teshikni kesib o‘tishgan. Ichkarida ular 3200 ga yaqin seyfni ochib, ichidagi narsalarni, jumladan, oltinni o‘g‘irlab ketishgan. O‘g‘rilik 29 dekabr kuni ertalab fosh etildi.

Nashrning yozishicha, 2500 dan ortiq omonatchi jabrlangan. Zarar ko‘lamiga ko‘ra, bu Germaniya tarixidagi eng yirik bank o‘g‘riliklaridan biridir.