Putin yordamchisi: "AQShning ba’zi takliflari Rossiya uchun maqbul, boshqalari esa yo‘q"

Rossiya prezidenti Vladimir Putin, AQSh prezidenti elchisi Stiv Uitkoff va Oq uy rahbarining kuyovi Jared Kushner o‘rtasida Moskvada bo‘lib o‘tgan uchrashuvda Ukrainadagi tinchlik rejasining bir necha variantlari muhokama qilindi.

Bu haqda jurnalistlarga Rossiya prezidenti yordamchisi Yuriy Ushakov ma’lum qildi.

Uning so‘zlariga ko‘ra, hozircha murosaga kelish rejasi yo‘q; Amerikaning ba’zi takliflari Rossiya uchun maqbul, boshqalari esa yo‘q.

"Suhbat juda foydali, konstruktiv va juda mazmunli bo‘ldi", dedi Rossiya prezidenti yordamchisi.

Uning ta’kidlashicha, uchrashuvda asosiy e’tibor hududiy masala bo‘yicha bo‘lgan: “Biz aniq matn yoki Amerikaning o‘ziga xos takliflarini muhokama qilganimiz yo‘q, balki bu hujjatlarda nima borligining mohiyatini muhokama qildik”.

Ushakov tomonlar Ukrainadagi vaziyatni tinch yo‘l bilan hal qilish uchun hamkorlikni davom ettirishga tayyor ekanliklarini ta’kidladi.