Rossiya prezidenti Vladimir Putin Xitoyga beshinchi inaugurasiyasidan so‘ng ilk xorijiy tashrifini amalga oshirishi mumkin: ehtimol 2024 yil may oyining ikkinchi yarmida, deb yozadi “Vedomosti”.
Tayyorgarlik haqidagi ma’lumotni nashrga tashrifni tashkil etish jarayonidan xabardor ikki suhbatdosh tasdiqladi.
Manbaga ko‘ra, muhokama kun tartibiga, birinchi navbatda, mintaqaviy xavfsizlik, ikki tomonlama munosabatlar, Rossiya va Xitoy o‘rtasidagi ilmiy-texnikaviy hamkorlikni kengaytirish, shuningdek, Shanxay hamkorlik tashkiloti (SHHT) a’zoligini kengaytirish jarayonlari va BRIKS ishi kiradi.
