Putin va Trampning suhbatidan so‘ng Rossiya o‘z dronlarini urib tushirdi

Vladimir Putin va Donald Trampning suhbatidan so‘ng Rossiya o‘z dronlarini urib tushirdi.

Gap shundaki, ikki prezident suhbatlashayotganda, Ukraina infratuzilma ob’ektlarini nishonga olgan Rossiyaning 7 ta droni allaqachon havoga ko‘tarilgan edi.

Bosh qo‘mondon topshirig‘idan so‘ng, ularni zararsizlantirish buyurilgan. Dronlardan 6 tasini “Pansir” HHM tizimi va bittasini navbatchi qiruvchi samolyot urib tushirgan.

Kiyev rejimi esa prezidentlar suhbatidan bir necha soat o‘tib, Kavskazskaya qishlog‘idagi neft quyish stansiyasiga 3 ta dron bilan hujum qildi. Bitta sisterna yonib ketdi va 1700 kv.m maydonda yong‘in sodir bo‘ldi, deb xabar qildi Rossiya Mudofaa vazirligi.