Rossiya hech qachon Ukraina bilan muzokaralardan bosh tortmagan va “oqilona murosaga” tayyor. Bu haqda Rossiya prezidenti Vladimir Putin “Rossiya 1” telekanaliga bergan intervyusida ma’lum qildi.
"Biz murosalarni izlashga tayyormiz, bu oqilona murosaga tayyormiz. Ammo hozir tafsilotlarga to‘xtalib o‘tmoqchi emasman, chunki mazmunli muzokaralar yo‘q, ikkinchi tomon esa buni rad etadi”, — dedi Putin.
Rossiya prezidentining so‘zlariga ko‘ra, turk hamkorlari “Ukraina tomonining ayrim tashabbuslari bo‘yicha” Rossiya Federasiyasiga bir necha bor takliflar bilan chiqishgan.
“Ammo biz kelishib olganimizda, Ukraina tomoni allaqachon rad javobini bergani ma’lum bo‘ldi. Bu ikki marta sodir bo‘ldi”, deb tushuntirdi Putin.
