Rossiya rahbarining ta’kidlashicha, agar Ukraina G‘arbning uzoq masofali qurollaridan foydalanishda davom etsa, yangi «Oreshnik» gipertovushli raketasi poytaxtni nishonga olishi mumkin.
Putin Kiyevga «Oreshnik» raketa zarbalari berilishidan ogohlantirdi
Rossiya prezidenti Vladimir Putin Rossiyaning yangi o‘rta masofali «Oreshnik» raketasini Ukraina poytaxti Kiyevga qarshi ishlatish bilan tahdid qildi.
«Biz Oreshnikdan harbiy, harbiy-sanoat ob’ektlari yoki qaror qabul qilish markazlariga, jumladan, Kiyevga qarshi qo‘llanilishini istisno qilmaymiz», — dedi Putin Qozog‘iston poytaxti Ostonadagi matbuot anjumanida.
Kiyev kuchli havo mudofaasiga ega. Biroq Putinning ta’kidlashicha, Rossiya o‘tgan hafta Ukrainaning Dnepr shahrida birinchi marta qo‘llagan «Oreshnik»ni ushlab bo‘lmaydi. G‘arb ekspertlari bu da’voga shubha bilan qarashdi.
Putin, shuningdek, agar Kiyev yadroviy qurolga ega bo‘lsa, Rossiya Ukrainaga qarshi qo‘lidagi barcha qurollardan foydalanishini aytdi.
Erkinjon Turdimovning yangi ish joyi ma’lum bo‘ldi
Rossiya rubli ham quladi
Nemislar bir narsani bilishadi
