Rossiya prezidenti Vladimir Putin Ukraina hujumlari oqibatida zarar ko‘rgan logistika omborlari sig‘imlarini tiklash kerakligini aytdi. U bu haqda bugun, 19 avgust kuni Strategik rivojlanish va milliy loyihalar kengashi yig‘ilishida so‘z ochdi.
Putinning so‘zlariga ko‘ra, zarar ko‘rgan ob’ektlarni tiklashda davlat ham ishtirok etishi lozim. U, shuningdek, Rossiya hukumatiga mamlakatdagi logistika quvvatlarini tiklash bo‘yicha dastur qabul qilishni topshirdi.
Vladimir Putin Ukrainaning hujumlari Rossiya sanoat va infratuzilma ob’ektlariga zarar yetkazayotgani, buning oqibatida mamlakat iqtisodiyotiga ham salbiy ta’sir ko‘rsatilayotganini bildirdi. Biroq u bunday hujumlar Rossiya uchun jiddiy oqibatlarga olib kelmayotganini ta’kidladi.
Putin nutqida Wildberries kompaniyasini bevosita tilga olmadi. Biroq uning bayonoti iyul oyidan beri Wildberries'ning logistika markazlari Ukraina tomonidan hujumlarga uchrayotgani fonida yangradi. Reuters ma’lumotlariga ko‘ra, iyul o‘rtalaridan beri kompaniyaning yigirmaga yaqin ombori hujumlardan zarar ko‘rgan.
Jizzaxda bir sutkada 2 ta YTHda 5 kishi halok bo‘ldi
«Toliblar AQShni Afg‘onistondan chiqarib yuborgan edi, endi esa yana qaytishga chaqirmoqda» — The New York Times
Ijtimoiy tarmoqlarda ChatGPT yaratilishidan 10 yil oldin chop etilgan post topildi (foto)
